O pasado venres, 9 de marzo, o alumnado dos IES Mendiño, Pedro Floriani e Illa de San Simón, asistiron á representación teatral de Talía Teatro, PELOS NA LINGUA.
A función, promovida polo SNL do Concello de Redondela, é un convite á reflexión sobre a nosa lingua, os usos e os abusos que sofre e os prexuízos que a rodean, dende unha óptica satírica e cómica.
Agardamos que non deixe indiferente ninguén, e que sirva para motivar a mocidade a que use a nosa lingua e se ispa dos prexuízos cara a ela.
Esta é a casa común da Coordinadora de Equipos de Normalización Lingüística dos centros de ensino público de Redondela.
14.3.12
13.3.12
A muller e o mar na pintura galega
O EDLG e a Biblioteca do CEIP Porto Cabeiro, xuntamente co equipo de TICS do centro, elaborou este vídeo sobre a muller e o mar na pintura galega, dentro do seu proxecto sobre a Ría de Vigo.
Unha boa selección para nos mostrar a arte galega a través do mar e as mulleres.
Parabéns.
Unha boa selección para nos mostrar a arte galega a través do mar e as mulleres.
Parabéns.
2.3.12
Roteiro por Redondela
Hoxe comezamos un novo proxecto de divulgación do patrimonio e a historia redondelá.
Redondela paso a paso é o nome deste proxecto, promovido polo Servizo de Normalización Lingüística, que se inicia con roteiros guiados polo núcleo histórico de Redondela para o alumnado redondelán, e que terá continuidade nun futuro coa edición dun libro e folletos divulgativos para o turismo.
Os roteiros serán guiados por dous grandes coñecedores do patrimonio e a historia redondelá, Gonzalo Amoedo López e Roberto Gil Moure, que ademais son policías locais de Redondela.
As dúas primeiras saídas programadas son para alumnado do IES Illa de San Simón (hoxe, 2 de marzo), e o vindeiro 12 de marzo para alumnado de 3º ciclo do CEIP Quintela.
A historia e o patrimonio redondelán merecen ser divulgados, e a nosa poboación escolar ten agora a oportunidade de coñecelos.
Subscrever:
Mensagens (Atom)